Xelatên Festîvala Fîlmên Kurdî ya Hamburgê hate eşkerekirin

Festîvala Fîlmên Kurdî ya Hamburgê îsal cara 13emîn di rojên 26-31ê Cotmehê de hate lidarxistin ku xelatên festîvalê diyar bûn. Li festîvalê, derhêner Antonia Kilian bi belgefîlma xwe ya “The Other Side of the River” xelata Belgefîlma Herî Serketî û derhêner Aram Dildar bi kurtefîlmê xwe yê “Navnîşan” re xelata Derhênerê Hêvîder girtin.

Festîvala Fîlmên Kurdî ya Hamburgê îsal bi nîşandana fîlmê derhênerê navdar ê kurd Mano Xelîl yê “Cîran” destpê kir û di çarçoveya bernameya festîvalê de gelek fîlmên bi Kurdî derketin li pêşberî temaşevanên sînemayê, panêl û hevpeyvînên sînemayê jî hatin lidarxistin.

Xelatên Festîvala Fîlmên Kurdî ya Hamburgê:

Belgefîlma Herî Serketî: “The Other Side of the River” / Derhêner: Antonia Kilian

Xelata Jurîyê ya Taybet: “Mother Tongue” / Derhêner: Sarkêw Misgarî

Xelata Kurtefîlmê Herî Serketî: “Aysha” / Derhêner: Cengîz Akaygûn

Xelata Derhênerê Hêvîder/Promising Director (Ji bo kurtefîlmê “Navnîşan” (The Address) / Derhêner: Aram Dildar

Xelata Piştgirî: Erhan Ors

Sînemaya Serbixwe – www.sinemayaserbixwe.com