Xelatên Hilbijartina Gelê yên Grolsch’ê hate eşkerekirin

44’emîn Festîvala Fîlman a Navneteweyî ya Torontoyê duh bi dawî bû û Xelatên Hilbijartina Gelê yên Grolsch’ê (People’s Choice Awards) diyar bûn.

Li gorî nûçeyên ku di malpera Kovara Altyazıyê û Filmloverssê de cih digirin îsal li Festîvala Fîlman a Torontoyê di Xelatên Hilbijartina Gelê yên Grolschê “Jojo Rabbit” weke fîlmê serî serketî hate hilbijartin û fîlmê “Murmur” yê Heather Youngî Xelata Kifşê ya FIPRESCIyê û fîlmê “Martin Eden” yê Pietro Marcelloyî Xelata Platformê wergirtin.

Li Xelatên Hilbijartina Gelê yên Grolschê fîlmê “Jojo Rabbit” yê derhêner Taika Waititi ji aliyê temaşevanan ve weke fîlmên baştirîn hate hilbijartin. Fîlmê “Marriage Story” yê Noah Baumbachî bû duyemîn û fîlmê “P​arasite” yê Bong Joon-hoyî di rêza sêyemîn de cihê xwe girt.

Fîlmê “Jojo Rabbit” di heyama dawî ya Şerê Cîhanê yê Duyemîn de derbas dibe û li ser mijara pêşdarazîyê disekine.

42’emîn Xelatên Hilbijartina Gelê ya Grolsch’ê ji aliyê temaşevanên sînemayê ve têne hilbijartin.

Xelatên 44’emîn Festîvala Fîlman a Navneteweyî ya Torontoyê

Hilbijartina Gelê: Jojo Rabbit – Taika Waititi

Hilbijartina Gelê-Belgefîlm: The Cave – Feras Fayyad

Şeydatîya Nîvê Şevê ya Hilbijartina Gelê: The Platform – Galder Gaztelu-Urrutia

Fîlmê Herî Serketî ya Kenedayê: Antigone – Sophie Deraspe

Yekem Fîlmê Herî Serketî: (Keneda): The Twentieth Century – Matthew Rankin

Kurtefîlmê Herî Serketî: (Kenrda): Delphine – Chloé Robichaud

Kurtefîlmê Herî Serketî: All Cats Are Grey in the Dark – Lasse Linder

Xelata Nîşandana Taybet ya FIPRESCI: How to Build a Girl – Coky Giedroyc

Xelata Kifşê ya FIPRESCI: Murmur – Heather Young

NETPAC Fîlmê Herî Serketî ya Asyayê: 1982 – Oualid Mouaness

Xelata Platformê: Martin Eden – Pietro Marcello

Navenda Nûçeyan – Sînemaya Serbixwe – www.sinemayaserbixwe.com