Xelatên Sîwana Zerê hatin eşkerekirin

8emîn Festîvala Fîlman a Panoramaya Balkanê îsal di dîrokên 21-27ê Gulanê de derket li pêşberî temaşevanên sînemayê yên Îzmîrê. Xelatên festîvalê jî hatin eşkerekirin; fîlmê “Okul Traşi” yê derhênerê kurd Ferîd Karahanî Xelata Fîlmê Herî Serketî û kurtefîlmê “Şero” yê derhênerê kurd Mustafa Efeltîyî Xelata Kurtefîlmê Baştirîn girtin.

Nîşandan, hevpeyvîn û çalakîyên Festîvala Fîlman a Panoramaya Balkanê li Navenda Çand û Hunerê ya Şaredarîya Bûcayê û Kulturparka Îzmîrê û Navenda Ciwantîya Tarik Akanê hatin li darxistin.

Di bernameya festîvalê de îsal 150 fîlmên metrajdirêj, kurtefîlm û belgefîlm hatin nîşandayîn ku gelek ji van fîlman ji bernameyên festîvalên fîlman ên navneteweyî hatine hilbijartin.

Festîvala Fîlman a Panoramaya Balkanê îsal cara 8emîn di navbera dîrokên 21-27ê Gulanê de ji aliyê Şaredarîya Bûcayê ve û bi piştgiriya Wezareta Çand û Hunerê, Şaredarîya Bajarê Mezin a Îzmîrê ve derket li pêşberî sînemahezan û xelatên festîvalê jî li Navenda Çand û Hunerê ya Şaredarîya Bûcayê bi merasîmek hatin eşkerekirin. Li festîvalê 35 fîlmên sînemayên Tirkiye û Balkanê di 11 beşan de ketin pêşbaziyê ku fîlmê “Okul Traşi” yê derhênerê kurd Ferîd Karahanî Xelata Fîlmê Baştirîn û kurtefîlmê “Şero” yê derhênerê kurd Mustafa Efeltîyî Xelata Kurtefîlmê Baştirîn girtin, lîstikvanê fîlmê Karahanî jî li festîvalê bû lîstikvanê baştirîn.

Xelatên Xelatên Sîwan Zerê yên 8emîn Festîvala Fîlman a Panoramaya Balkanê:

Xelatên Metrajdirêj ên Neteweyî: 

Fîlmê Baştirîn: Okul Traşı (Ferîd Karahan)

Derhênerê Baştirîn: Fîkret Reyhan (Çatlak)

Lîstikvana Baştirîn: Emel Goksu (Koridor)

Lîstikvanê Baştirîn: Samet Yildiz (Okul Traşı)

Xelatên Metrajdirêj ên Navneteweyî:

Fîlmê Baştirîn: So She Doesn’t Live/O Artık Yaşamıyor (Derhêner: Faruk Lončarevıć, Bosna Hersek),

Derhênerê Baştirîn:: Srdjan Dragojević (Heavens Above/Yukarısı Cennet, Sirbîstan),

Lîstikvana Baştirîn: Nataša Petrović (Only Human/Sadece İnsan, Derhêner: Igor Ivanov Izi, Makedonyaya Bakur)

Lîstikvanê Baştirîn: : Ernö Fekete (Perfect As You Are/Olduğun Gibi Mükemmelsin, Derhêner: Peter Varsics, Macerîstan)

Xelata Metrajdirêj a Navneteweyî ya Dario Meronoyê

Natalija Avramoviç (The Spring Poem/İlkbahar Şiir, Derhêner, Sırbistan)

Pêşbaziya Kurtefîlman a Neteweyî:

Mustafa Efeltî (Şero, Derhêner)

Pêşbaziya Kurtefîlman a Navneteweyî: 

Radovan Petrović (Tinas Problem/Tina’nın Sıkıntısı, Derhêner, Makedonyaya Bakur)

https://www.bpff.art/en/

Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: