Xelatên Temaşevan ên Festîvala Çand û Hunerê ya Yilmaz Guneyê hate eşkere kirin

3’yemîn Festîvala Çand û Hunerê ya Yilmaz Guneyê îsal di 19’ê Tîrmehê de destpê kiribû û li festîvalê Xelatên Temaşevan jî di 21’ê Tîrmehê de di beşên Kurtefîlm, Belgefîlm û Senaryoyê de hate eşkere kirin.

Festîvala Çand û Hunerê ya Yilmaz Guneyê ji aliyê Şarederiya Dêrsimê û Navenda Çanda Yuz Çîçek Açsin ve û bi piştgiriya Weqfa Yilmaz Guneyê ve li Serê Çarşiya Binerdê, li Parka Seyid Rizayê li Dêrsimê hat li darxistin.

Bernameya festîvalê îsal ji ber şewba koronayê hatibû bipaşxistin û pişt re di hin beşan de xelatên çand-hunerê diyar bûbûn. Xelatên Temaşevan ên 3’yemîn Festîvala Çand û Hunerê ya Yilmaz Guneyê îsal ji bo Bîranîna Komkujiya Pirsûsê hat li darxistin û ji aliyê temaşevanên sînemayê ve di beşên Kurtefîlm, Belgefîlm û Senaryoyê de hatin diyar kirin.

Di çarçoveya beşa sînemayê ya bernameya festîvalê de, gelek kurtefîlm û belgefîlman di navbera dîrokên 18-20’ê meha Tîrmehê de derketin li pêşberî sînemahezan û piştî nîşandana fîlman, Xelatên Temaşevan jî di 21’ê Tîrmehê hate eşkere kirin.

Xelatgirtî yên beşên Çîrok, Helbest, Wêne û Karîkatorê yên festîvalê di rojên borî de diyar bûbûn. Çalakiyên din ên bernameyê jî di demeke nêz de were parvekirin û merasîma festîvalê jî di meha Îlonê de li Dêrsimê bête li darxistin.

Xelatên Festîvala Çand û Hunerê ya Yilmaz Guneyê:

Kurtefîlm:

Bêdengiya Xewnekî (Bir Rüyanın Sessizliği) – Rohat Merwan / Xelata Taybet a Yilmaz Guneyî

Anons – Cabbar Alp / Xelata Taybet a Yilmaz Guneyî Özel Ödülü

Eksik – Volkan Budak / Xelata Lijneya Bijêran

Kömür – Reşat Fuat Çam / Xelata Taybet a Lijneya Bijêran

Son Akşam Yemeği – Selinay Güneş / Xelata Mansîyonê

XYZ[T] – Bilal Uğur Liman / Xelata Mansîyonê

Hayat – Selin Mincinozlu / Xelata Temaşevan

Belgefîlm

Di Bîra min de ye – Soner Akalın / Xelata Taybet a Yilmaz Guneyî

Bêkes – Erhan Karahan / Xelata Taybet a Yilmaz Guneyî

Hasankeyf’e Ağıt – Fırat Erez / Xelata Lijneya Bijêran

N’olacak? – Merve Tulay / Xelata Mansîyonê

Ege’nin Sonbaharı – Onur Erkin / Xelata Temaşevan

Senaryo

İbraham – Rüzgar Asya Hızarcı / Xelata Yilmaz Guneyî

Mavi Paten – Veysel Çelik / Xelata Lijneya Bijêran

Şevger – Felat Erkozan / Xelata Taybet a Lijneya Bijêran

Bakış – Meryem Şahin / Xelata Mansîyonê

Nûçe – Sînemaya Serbixwe -www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: